Udumalai.com

அத்தனைக்கும் ஆசைப்படு - விமர்சனம்

noreply@blogger.com (சிதம்பரம்) — Mon, 13 Jul 2009 08:50:00 +0000

உங்களில் ஒரு நிச்சயமான ஆக்கப்பூர்வமான மாற்றத்தை ஏற்படுத்த விரும்புகிறீர்களா? வாழ்க்கையின் ஒவ்வொரு துளியையும் ரசித்து வாழ விருப்பமா? எல்லாப் பொழுதையும் இனமையாக ஆனந்தமாக அனுபவிக்க வழி தேடுகின்றவரா? கடவுள் பற்றிய பழமையான எண்ணஞ்களிலிருந்து வெளிப்பட்டு என்றும் ஏற்றுக்கொள்ளத்தக்க புதிய நோக்கில் சிந்தனையில் காண விருப்பமா? சுருங்கக்கூறின் வாழ்க்கையின் அத்துணை பரிமாணங்களையும் ஆனந்தமாக வாழ்ந்திட வழிகாட்டுகிறது சத்குரு ஜக்கிவாசுதேவின் "அத்தனைக்கும் ஆசைப்படு" . ஆனந்தவிகடன் இதழில் தொடராக வெளியிடப்பட்டு தற்போது தனிப்புத்தகமாக வெளியிடப்பட்டுள்ளது.

தற்போது சுயவளர்ச்சி தொடர்பாக ஏராளமான புத்தகங்கள் வெளிவரத் தொடங்கியுள்ளன.
இன்னும் சொல்லப்போனால் முன்பு எப்போதும் இல்லாத அளவுக்கு இதன் விற்பனை தற்போது அதிகம் சூடு பிடிக்கத்தொடங்கியுள்ளது. காரணம் மனிதன் தற்போது தன்னை ஊக்குவிக்கும் உற்சாக மருந்தாக, வாழ்க்கைப்பற்றிய உண்மைத் திறவுகோலாக, வழிகாட்டுதலாக, வளர்ச்சிப் பாதையில் தன்னை முடுக்கும் உந்துசக்தியாக இம்மாதிரியான புத்தகங்களை கருதி ஏற்றுக்கொண்டிருப்பது தான்.

இத்தகைய புத்தகங்கள் பல வெளிவந்து கொண்டிருந்தாலும் அவையாவும் பிறர் கூறியவற்றை திருப்பிக்கூறும் எதிரொலியாகத்தான் இருக்கின்றன. மாற்று சிந்தனை,
புதியநோக்கு என்பதெல்லாம் இல்லாமல் முழுக்க முழுக்க செயற்கையாகத்தனமான புத்தகங்கள் தான் அதிகம் காணப்படுகின்றன.

"அத்தனைக்கும் ஆசைப்படு" மேற்கூறியவற்றிலிருந்து முற்றிலும் மாறுபட்டது. வாழ்க்கையை முழுமையாக ரசிக்கக் கற்றுத்தருவது.

துன்பத்திற்க்குக் காரணம் ஆசையா?
மகிழ்ச்சி என்பது என்ன?
பிரச்சனைகளை எதிர்கொள்வது எப்படி?
வெற்றியடைய என்ன செய்ய வேண்டும்?
வாழ்க்கையை நம் விருப்பப்படி அமைத்துக்
கொள்வது எப்படி?
மனப்பூர்வமாக செயாலாற்றுவது எப்படி?
வாஸ்து, ஜாதகம் இவையெல்லாம் உண்மையா?
கடவுள் என்பவர் யார்? அவர் எத்தகையவர்?

இப்படி ஏராளாமான விஷயங்களை ந்மக்கு தெளிவுபடுத்துவதோடு நம்மில் ஒரு நிச்சயமான மாற்றத்தை ஏற்படுத்துகிறது. வாழ்க்கையை ஒரு புதிய கோணத்தில் சந்திக்கவும், சிந்திக்கவும் செய்கிறது. "எதையும் ரசித்து ஈடுபாட்டுடனும், மனப்பூர்வமாகவும் செயலாற்றுவதினால் வெற்றி நிச்ச்யம் நம் வசமாகும்" என்னும் இப்புத்தகத்தை அனைவரும் வாழ்நாளில் ஒருமுறையாவது நிச்சயம் படித்திட வேண்டும்

நன்றி www.tamilcafe.net

நாங்களும் இப்போது டிவிட்டரில்

noreply@blogger.com (சிதம்பரம்) — Tue, 30 Jun 2009 05:32:00 +0000

உலகம் முழுவதும் பல லட்சக்கணக்கான மக்கள் டிவிட்டரை பயன்படுத்தி வருகின்றனர். பல நிறுவனங்களும் பயன்படுத்தி வருகின்றனர். தற்போது நாங்களும் அதில் இணைந்திருக்கிறோம்.

உங்களுக்கு எழும் வினாக்கள் மற்றும் விபரங்களுக்கு டிவிட்டரில் எங்களை தொடர்பு கொள்ளலாம்

முகவரி
www.twitter.com/udumalai

புதியதாக இணைத்துள்ள சில புத்தகங்கள்

noreply@blogger.com (சிதம்பரம்) — Mon, 29 Jun 2009 09:21:00 +0000

ரமணிசந்திரன் -நேசமுகம் மறக்கலாமோ

எழுத்தாளர் ஜெய்சக்தியின் சில புத்தகங்கள்

விவேகானந்தர் நூல்கள் சில...

முள்

noreply@blogger.com (சிதம்பரம்) — Wed, 17 Jun 2009 03:19:00 +0000

எங்கள் வாடிக்கையாளர் கார்த்திக் அவர்கள் எழுதிய அறிமுகம்:

இப்புத்தகத்தின் ஆசிரியர் முத்துமீனாள்,தனது சிறு வயதிலேயே தொழுநோயால்
பாதிக்கப்பட்டு,கிறித்துவப்பள்ளியில் சேர்ந்து படித்து,வாழ்வில்
முன்னுக்கு வந்தவர்.தொழுநோயின் தாக்கத்தையும்,சமூக ஒதுக்குதலையும் மீறி
வாழ்வில் வெற்றி பெற்ற ஒரு பெண்ணின் முக்கியமான தருணங்களை உள்ளடக்கி
எழுதப்பட்ட புத்தகம் “முள்”. இப்புத்தகத்தை நாவலாகவோ,சுய சரிதையாகவோ
எடுத்துக் கொள்ள இயலாது. ஒரு டைரிக்குறிப்பு போல,மிகுந்த எளிமையான
நடையில் நேர்மையுடன்,பாசாங்குகளற்ற எழுதப்பட்ட நூல்.

ஆசிரியரைப்பற்றி மட்டுமின்றி,அவருடைய தோழிகள் மற்றும் சக மாணவிகள்
போன்றோருக்கு ஏற்பட்ட சில கசப்பான நிகழ்வுகளும் இந்நூலில்
பதியப்பட்டுள்ளது.

தான் ஒரு எழுத்தாளனி ஆக வேண்டும் என்ற எண்ணத்துடன் இல்லாமல்,தான் எழுத
நினைத்ததை அப்படியே பதிந்ததே இப்புத்தகத்தின் வெற்றி என்று கருதுகிறேன்.

நோய் பற்றிய விளைவுகளைப் பொருட்படுத்தாமல்,தன்னம்பிக்கையுடன்,தனது
திறமையை மட்டும் முதலீடாகக் கொண்டு,பல இடையூறுகளைத் தாண்டி,முன்னுக்கு
வந்துள்ள முத்துமீனாள் மிக்க மதிப்பிற்குரியவர்.

சிறுவர்களுக்காக பொன்னியின் செல்வன்

noreply@blogger.com (சிதம்பரம்) — Mon, 11 May 2009 08:09:00 +0000

முன்னுரையில் முனைவர் கு. ஞானசம்பந்தன் அவர்கள்:
பேராசிரியர் அமரர் கல்கி அவர்களின் அமரகாவியமான "பொன்னியின் செல்வன்" சிறுவர், சிறுமியர்களுக்கான எளிய நடையில் நூலாக வெளிவருவது பாராட்டுக்குரியது.
ஐந்து பாகங்களும் ஐம்பத்திற்கும் மேற்பட்ட பல்வகைப் பாத்திரங்களும் கொண்டு சரித்திர கால நிகழ்வை, தற்கால வாசகர்களுக்கு ஏற்றபடி கல்கி அவர்கள் "கல்கி" வார இதழில் தொடராக எழுதி வந்த போது இலட்சக்கணக்கான வாசகர்களின் உள்ளங்களில் இந்நாவல் இடம் பிடித்தது உண்மை.
இரண்டாயித்திற்கும் மேற்பட்ட பக்கங்களையுடைய மூல நூலின் தன்மை சிதையாது, சிறிய அத்தியாயங்களாக 432 பக்கங்களில் மிக அருமையாக, சுருக்கமாக எழுத்தாளர் இரா. கற்பகம் அவர்கள் படைத்துக் கொடுத்திருப்பது பாராட்டுக்குரியது. குறிப்பாக ஐந்தாம் பாகத்தை கதையின் விறுவிறுப்புக் குறையாமல் சுருக்கித் தந்திருப்பது எழுத்தாளர் அவர்களுக்கு கிடைத்த வெற்றி. சரித்திர கால நடைக்கேற்ப அப்பாத்திரங்களின் படங்களையும், ஆங்காங்கே அம்புலிமாமாவடிவில் இணைத்து படிக்கும் வாசகர்களின் கண்களுக்கு விருந்து படைத்துள்ளனர் பதிப்பகத்தார்.
காலமாற்றங்களுக்கு ஏற்ப, மிகப்பெரிய இக்கால காவியமான "பொன்னியின் செல்வன்" குழந்தைகள் மனதிலும் குதூகலத்தையும், வீரத்தையும் பதிய வைக்கும்.... இது உண்மை.

சிறுவர்களுக்காக பொன்னியின் செல்வன்
http://udumalai.com/prd_details.php?prd_id=3910

வணக்கம்

noreply@blogger.com (சிதம்பரம்) — Sun, 10 May 2009 03:16:00 +0000

எங்களை வாழ வைத்துக்கொண்டிருக்கும் தமிழர்களே (இது தேர்தல் சமயங்களா அதனால்...)வணக்கம். புதிய புத்தகங்களின் அறிமுகம் மற்றும் புத்தக உலகின் செய்திகளை தருவதற்கு இந்த வலைப்பூவை ஆரம்பித்து உள்ளோம். அடிக்கடி வருகை தாருங்கள்.

அன்புடன்
சிதம்பரம்
உடுமலை.காம்